پەیماننامە، هەروەک ئەوەى بە ناوەکەیدا دیارە، مەبەست لەوەیە کە لایەنەکان (زۆر جار دەوڵەتەکان) پەیمان بە یەکترى دەدەن کە ڕەچاوى بەند و ماددەکانى بکەن، وشەکە بەرانبەر وشەى (Convention)ى ئینگلیزییە، لە پەیماننامەدا، گرنگى بە بنەما ئەخلاقى و گەردوونییەکان و یاساى سروشتى دەدرێت، واتە هەر یاسایەک بنەماکانى ڕێزگرتن لە مافەکانى مرۆڤى تێدابێت و جیهانى بێت و فەلسەفەى یونیڤێرساڵ بیگرێتەوە ئەوا پەیماننامەیە، لە ناویاندا و لە هەمووى گرنتر پەیماننامەى قەدەغەکردن و سزادانى تاوانى جینۆساید ساڵى ١٩٤٨، پەیماننامەکانى ژنێڤ ساڵى ١٩٤٩ و هەر نۆ پەیماننامەکانى مافەکانى مرۆڤ.